БАЧКА ТОПОЛЯ
ПРОМОЦИЯ КНЇЖКИ И ПОДОБОВА ВИСТАВА
У Бачкей Тополї, 14. октобра 2014. року у Доме култури отримана промоция кнїжки мср. Сенка Бенчик „Гунґаризми у руским язику“ и вистава зоз 7. подобовей колониї „Стретнуце у Боднарова“.
Присутних привитала Татяна Дудаш, зам. директора Дома култури, a о кнїжки бешедовали: Ирина Папуга, у мено видавателя Дружтва за руски язик, литературу и културу, др Михайло Фейса, професор на Одсеку за русинистику Филозофского факултета, Гизела Ивегеш, професорка мадярского язика зоз Нового Орахова, мср.Сенка Бенчик, автор кнїжки хтора презентовала видео проєкцию кнїжки як и други хторим тема о гунґаризмох блїзка и интересантна
Сходу присуствовала и Гайналка Шипош, член Општинскей ради Општини Бачка Тополя
"Гунгаризми у руским язику“ була мастер робота Сенки Бенчик, хтору вона одбранєла на Одсеку за русинистику 2012. року нa Филозофского факултеру у Новим Садзе. Кнїжку мср. Сенки Бенчик „Гунґаризми у руским язику", видало Дружтво за руски язик, литературу и културу, Нови Сад (2014). .
Школяре рецитовали стихи по руски, сербски и мадярски, а Урош Славчев грал на ґитари.
Истого дня отоворена и вистава зоз VII подобовей колониї „Стретнуце у Боднарова“ зоз Господїнцох (2012).
И. Папуга
